Ron Orp

Zürich

Dörf i vorstelle: Das isch s M-Fischli. S M-Fischli isch e ganz e speziells Fischli...e einzigartigs Fischli, eins vo wohl dä süessischte Fischli unter villne andere Fischlis. Es schwimmt sit Joore durch e grosse Ozean, begeisteret mit ihrer ufgstellte und ganz ussergwöhnlich bezaubernde Art vielli anderi Fischlis. Si isch e flissigs Arbets-Fischli, wo sich aber glichzytig au immer um ihres Umfäld kümmeret…es isch definitiv e Fischli, wo s Härz am richtige Fläck treit.Si erkundet dr Ozean, trifft diä unterschiedlichschte  Fischli und kennt au villi anderi Fischlis….sie setzt sich im grosse Ozean sehr guet duure…ohni dass sie vomene interessante Fischer an Land zoge wird….sie achtet au nid sehr uf irgendwelchi ummeschwimmendi Fischer-Högge, denn es het sie au scho lang keine meh richtig greitzt.Zur gliche zyt läbt dr Fischer si Läbe und het grad wieder emol gnueg vo dä wibliche Fischli….vorallem wenns um si Liäblingsfischli goht. Sit Joore het är si Angle duss…dr Köder am Hogge isch au no guet…doch s Liäblingsfischli bisst bis hüt nid a….obwohl är au scho gmeint het, är hets verwütscht. Är het denn gfunde, es isch emol Zyt für e neui Herusforderig, um wieder emol öppis Neus dusse uf dere Wält z gseh. Är het sini Sache packt und isch vom See zum grosse Ozean zoge. Voller Freud het är zerscht emol welle dä Ozean und sini Bewohner kennelere.Bim Ozean acho, isch ihm s Fische absolut egal…är suecht au nid ussergwöhnlich nach sim Liäblingsfischli….är isch also mehr mit anderne Sache beschäftigt, als sich um d Suechi nach sim Liäblingsfischli z kümmere. Dr Hogge isch zwar grundsätzlich im Wasser, aber är schänkt im seriöse Fischerei kei spezielli Beachtig.Eines tages trifft s M-Fischli ganz plötzlig und ohni Vorahnig und Absicht uf e ganz spezielle Hogge….mitemene Köder dra, wo sie eso in dr leschte Zyt niä atroffe het…zwar doch…genau vor eim Joor isch sie däm Hogge mit däm Köder, also däm Fischer, scho emol zuefällig begegnet!E starki Faszination für dä Köder isch sehr schnäll vorhande...es wird fiin dra knabberet, um dr Köder denn wieder vo dr Färnih zbetrachte. Dr Fischer merkt in däm Momänt, dass öpper speziells um si Hogge ummeschwimmt…und ihn e komischs…au unerwartets und scho ewig nümm vorhandes, sehr schöns Gfühl befallt. Är kümmeret sich um d Angle, vesuecht s Bescht, um s Fischli chönne z fange, denn är merkt, es chönnt si Liäblingsfischli si, wo uf em Wäg isch, sich vom Köder lo z verzaubere…Es wird immer mehr dra knabberet und d Aziehig zwüsche Fischli und em „Köder mit Hogge“ bzw. em Fischer isch immer offesichtlicher. Gfühl wärde erwideret. Diä gmeinsami Zyt vo aknabbere, drum umme schwimme, sich reize, gmeinsam s Gfühl ha: Doch das git zämme öppis ganz Speziells…DIÄ gmeinsami Zyt isch für beidi neu, aber au für beidi wunderschön.Während dr Fischer sich vorbereitet, si potentiells Liäblingsfischli us em Ozean z enfüehre, um zämme chönne e schöni Zyt zvrbringe, merkt är, dass bim Fischli plötzlig öppis nümm eso guet isch. Aber was? Stimmt öppis nümm oder isch das villicht alles ganz normal?Är hingege gniesst dä churzi Flirt mit däm plötzig wieder vorhandene und scho lang nümm sälber spürende wunderschöne Gfüehl (…är het gmeint, das Gfühl gits gar nümme!). Är isch glücklich und dänggt, DAS isch jetzt s’Liäblingsfischli….SI Liäblingsfischli, wo sälber au uf em Wäg isch, sich vo ihm in e anderi Wält loh z locke. Aber s’M-Fischli, wo jo eigentlig e fliessigs Arbetsfischli isch, isch plötzlig wiä chli überforderet vo dere neue Situation…plötzlig isch jetzt wieder öpper anders do, wo au no Beachtig möcht, öpper wo s Fischli jetzt eigentlig au plötzlig sött iibeziäh in sim Läbe…im grosse Ozean, wo eh scho so vill los isch und s Fischli sich eigentlig gar nid uf so öppis neus…ungwohnts het welle iiiloh. Schliesslig weiss s M-Fischli jo nid, was es in dr neue Wält erwartet, wenns würd aabisse. Chunnt’s in e chleins Aquarium, wo äs als freiheitsliäbends Fischli unglücklich würd wärde, wills dr grossi Ozean und diä ville andere Fischli nümm hätt oder was passiert mit ihm?Dr Fischer jedoch isch sälber e tüchtige Ma und het vill um d Ohre. Aber jetzt het är s Gfüehl, si Liäblingsfischli, mit däm är zämme möcht unzähligi tolli Sache erläbe, gfunde zha. Villicht weiss s M-Fischli gar nid, dass es, au wenns jetzt würd zuebisse, witerhin chönnt im grosse Ozean umme schwimme, fascht ganz wiä vorhär, denn dr Fischer isch e verständnisvolle Ma. Begeisterig und Zrugghaltig wächsle sich bim Fischli ab. Dr Fischer bemerkt das zögere vom M-Fischli…und macht sich e bitzeli Sorge, dass s Fischli so schnäll wiäs cho isch, au wieder im grosse Ozean verschwindet.Im M-Fischli goht irgendwiä au alles vill z schnäll und vor allem vill z eifach. Es isch diesmol nid esone „Hogge“, wo sie scho mehrmols gseh het….eine wo chunnt und gli wieder verschwindet. Nei, dr „Hogge“ blibt diesmol…und au dr Köder und diä ganzi Magie stimmt diesmol. Äs merkt, dass dr Fischer e guete isch und am Ufer fescht versuecht, s Fischli an Land z zieh. DIÄ Eifachheit macht im Fischli z schaffe…es isch ungwohnt!Jetzt isch dr Köder langsam vom Hogge gfrässe, ohni dass sich s Fischli mit Begeisterig und voller Sehnsucht und Hiigoob bewusst im Hogge feschtbisse het und sich uf das neue gmeinsame und villicht au ungwüsse mit em Fischer will iloh.Dr Fischer zieht langsam sini Angle ii und muess sich jetzt langsam überlege, ob är s Fischli nomol neu söll ködere und em M-Fischli no söll Zyt gäh….denn eso machts dr Fischer nid glücklich, wenn är sich voller Sehnsucht uf diä gmeinsami Zyt mit sim Liäblingsfischli freut, aber nid genau weiss, ob s Fischli das glich gseht.Ob im Fischer si Liäblingsfischli am Ändi no abisst, isch no ungwüss…diä kommendi Zyt wird’s zeige. Aber eins isch sicher, sowohl s M-Fischli als au dr Fischer wärde ihri „Wäg zum Glück“ finde…mit oder ohni enand!

Eine kleine Vorweihnachtsgeschichte: "D Gschicht vom M-Fischli und vom Fischer"

Dörf i vorstelle: Das isch s M-Fischli. S M-Fischli isch e ganz e speziells Fischli...e einzigartigs Fischli, eins vo wohl dä süessischte Fischli unte