Ich möcht eu hüt churz vo dä Andrea verzellä.. Uf insta @ars_volandi

Sie macht Luftakrobatik, das scho ziemli lang und sie hät chürzlich es Interview geh drüber. Wo sie ahgfange hät, hät niemert so richtig chöne säge wie das alles gaht und sie hät sich das alles meh oder weniger selber biibracht und sich immer wiiter entwicklet. Mit däm Gedanke öber z ha wo wie en Lehrer oder e Lehrerin sii chönt isch chürzlich au es Lehrmittel entstande wo si all ihres Wüsse teilt. Falls du dich also für Luftakrobatik, Vertikaltuech, Ring, Strapaten und Trapez interessiersch, lueg dir unbedingt ihri Arbeit ah.. Näbscht all däm isch sie en wunderbare Mensch und wo sie anechunt, verbeitet sie ihri positivi Energie und inspiriert!

Das Bild isch ahfangs Jahr entstande, für eimal nöd i de Traingschleider..

www.arsvolandi.ch
www.instagram.com

Ich sött en Huufe Sache erledige, aber (es git so es Lied vom Tibner, sones Puff heissts, es beschriibt was für es Saupuff er i sim Zimmer hät.. das beschriibts recht guet usserd dasi mini Rechnige zaht und nöd rauch) jetzt bini da und ich möcht irgendwie Lüüt erreiche und als Fotograf buechet werde. Ich möcht natürli zwüsched ganz viel Ahfrage chöne usläse und das neh was mer am beschte gfallt.. Aber weisch was, jetzt machi nur genau das woni will, aber ich verdien "nüt".. Defür machi öbis wo nur ich will und d'Lüt gsehnd das und wenns mich dänn fraged, farged mich öbis z'mache wo usgseht wie genau das wo ich will.. Was dezue füehrt das ich am Schluss chan Ufträg mache woi genau das mache mues woni will. =) So isch jedefalls dä Plan..

Analog z fotografiere isch, eifach schöön.. Hoffentli chani das no lang wiitermache, ohni würd mer öbi fähle.

Du gsehsch z Zoe, sie isch Schauspielerin, säg Bscheid falls, sie i diis Projekt wür passe, sie freut sich über Ahfrage.

So läär wie die Langstrass, so läär mis Herz. So sicher dasi Angscht han, s wird no genau so sii im März. Mag dä Juni und Juli e chlini Affäre bringe, ich für 2/3 Wuche Vögeli ghöre singe, spätischtens im Auguscht, werdeds wieder verschwinde..

Ich bin blind als hetti uf mine Auge Binde, di liebschte Mensche wend mit mer Ziit verbringe, ich chan mis Glück nöd zuehlah und verletz sie wie mitere roschtie Klinge. Alles wili kein Muet ha, ich wünscht ich chönt vo all däm endlich Rueh ha und Vertrau ufbaue oder - En Ort finde zum Springe.

(hät sich gad greimt, würi nie mache, versproche)

Wer hät Luscht gmeinsam Portrait's z mache?

Ich möcht meh Erfahrige Sammle mit Studioliecht und allgemein besser werde im fotografiere. Ich verlange kei Geld für die Shooting. Wichtig isch mer nur das mer pünklich isch und offe und ehrlich mitenand chan redä.

Gegesiitigs Vertraue hilft erfahrigsgemäss sehr, wenns drum gaht es persönlichs Bild z mach.

Ich mach das au mega gern analog mit Mittelformat, det müestemer eus eifach d Choste teile wills relativ tüür isch..
Defür häts en einzigartige Look =)

Freu mich über dini Nachricht. Gern miteme Churze Beschriib zu dir und was dir gnau vorstelle chöntsch und wenn du amigs Ziit häsch..

Location isch in 8002 Zürich, grad bim Rieterpark.

Mini Arbeit zeig ich uf www.nikolajleu.com