Auf der Suche nach einem Date.

Sid bald 2 Jahr fotografier ich sozäge hauptbrueflich. Am Ahfang hani no Tinder gha und det gschribe dasi Lüüt suech zum fotografiere. Denn hani det irgendwenn inegschribe dasi gern wür für öber finde und fotografiere wo OnlyFans hät. Ich mach gern Akt Fotografie und das mues mer aber üebe zum guet wärde wie bi llem ander au. Nöd nur und nöd mit jedere Person, aber um das gahts nöd. Bald isch mis Tinderprofil gsperrt worde. So wies nach 1,5 Jahr usgseht für immer.
Verstahni, ich han ja au tatsächlich d Absicht gha e Chundin z finde für mini Arbeit wo interessiert isch a stiilvolle Aktbilder.
Ich han fotografiere und Dating immer versuecht z'trenne. 2/3 mal sind Gfühl ufcho und wenns Gegesiitig gsi isch simmer däm mal meh, mal weniger nah gange. Ich bin jetzt kein bekannte Fotograf und han au kei Mittel irgend öberem Versprächige z mache. Isch es heikels Thema. Muesi mi au demit befasse ich bin mer minere Verantwortig bewusst. ich glaub aber ich bin fair ehrlich und sehr selbskritisch.
Mitlerwiile kenni anderi Plattforme zum Mensche finde wo sich gern fotografiere lönd. Falls du au gern fotografiert werde möchtsch und dich wohl fühlsch vor de Kamera, isch jetzt en guete Ziitpunkt zu dich z mälde. (aber au um das gahts mer nöd i däm Text)
Item
Ich han jetzt kei Tinder meh. Und das klassische Date isch sozäge gstorbe. Das Tinder Fotografiere/Date isch im Nachhinein mega toll gsi. So sensibel wie ich bin, häts mer gholfe eich nur fotografiere z welä. (bind da fascht chli autistisch) Und das ich "Sie" nöd welä han, hät mich für "Sie" oft chli attraktiver gmacht. Was für mich dä "Datingprozess" einiges spannender gmacht hät und mer sich tendenziel öfter gseh hät.
Also - Jetzt kei Tinder meh und mir fähled Dates (ich han immer vorgschlage go spaziere gah.. (und da chönti jetzt es paar unglaublichi Gschiche verzelle mit was so en Spaziergang ende chan) Aber au um das gahts nöd (Ich befürchte immer meh das au Ronorp Dä Biitrag löscht)
Jetzt zu minere Frag:
Wie mached Ihr das? Ich mag eigentlich nöd irgend es anders App finde wo e Firma demit Geld mache wett mir cooli Lüüt freizschalte weni gnueg zahl & ich möcht weniger Ziit am Handy verbinge, wie mir alli.
Ich chan nöd lüge und bin ziemlich schlächt im Marketing und mich selber verchaufe. Ich fotografier mittelmässig aber ich glaub ich han es Gfühl für s Timing.
Chönd ihr mir mal chli wiiterhälfe wie mer dating ohni Tinder betriibt?