nur tote Fische schwimmen mit dem Strom... ;-)

von HERAKLIT:" man steigt nie zweimal in den gleichen Fluss, stets strömt Wasser nach"

ja, panchosancho, müesst no lehre lüge mi unterzieh, mi beherrsche, we die würklech Dümmschte ihres Mul uf tüe!

uiui, ungehorsami mariesuisse.. lach :D da wär politik würkli gar nüt für dich, da musch cho em parteiprogramm folge ;)

ja, sanchopancho, leg doch mal e Härdöpfelsack über dies Houpt. Das wär doch mal öppis! Und ja, mit allem, was de schriebsch, hesch o rächt. I dänke eigetlich nie drüber nache, ob i , i welem Schrom o immer, i schwümme. Bi aber nid eini wo immer nume folge, also "gehorsam" bi. Würd' mer ja ds Dänke abstelle, und o die sy, wo ni bi. Ha müeh, mi z'unterzieh, weni dergäge bi. Was d'Politik a'geit, seufz-seufz...! Chönnts ja nid besser, klar, bi froh, mues i nid. Ergere tue ni mi scho, vor allem andere über d'Abzocker, Gäldmönsche, Lugine.

ich glaube nöd, dass sich irgend e partei vo de andere underscheidet i dere hisicht.. das tönt jetzt also au meh nach mitem strom schwüme;) ich glaube die wo sich zvil gedanke drüber mached öb sie mit oder gäge de strom schwümmed, bi dene isch das zwanghaft. es chan nöd so vil meinigsbildner gäh wies mänsche git.. es isch au ok, wänn mer eifach mal findet "und mol de hät rächt"... aber ja, es münd sicher nöd all glich agleid si und das isch wohl au nöd so? aber wäni in lade gange go shoppe, dänn bini ja automatisch beiflusst vo de mode-gurus? han dänn eifach nur das als uswahl wos gad häd.. aber chan natürlich au en hördöpfelsack über de chopf schmeisse ;)

also, sanchopancho, i ha da a ne gwüssi partei dänkt! dert schynt's mir, und vielne andere o,dass einigi- vieli emne HERRlibärger nache schwümme. Und a die, wo alles gloube, wo d'Medie üs wei vorschrybe. Klar und eifach: die wo nid wage, sälber z'dänke, o mal der Chopf häre häbe, ihri Meinig verträtte, grad stöh ! Und de gits o die,wo mer gfalle, wo sech nid nach der Mode kleide, wo mängisch spinnig derhär chöme, eifach mal anders als gwöhnlech. Farb i Strom bringe. Schrieb mer, wen i wieder söll i ds Hochdütsche wächsle, gäll?!

hami scho chli gwunderet, dass plötzlich berndütsch schribsch.. aber das gaht tiptop, min vater isch Berner oberländer;)
ahso, ich han jetzt gar nöd a Politik dänkt und weiss jetzt au nöd, öbs dete würkli EIN Strom git wo all mitschwümmed? eigentlich doch überhaupt nöd? also bi de abstimmige gits dänn ja oder nei und da meischtens 2 lager.. weiss nöd wiemer da chan mit em Strom mitschwüme?

ja, panchosancho, so wie du schriebsch, so dänke-n-i o. Ha äbe nid d'Mode und settigi Ström gmeint, meh im politische sinn und geischt, und o a die, wo sech unterzieh, ke muet zeige, derglyche tüe, si sige de scho yverstande, derby mache si d'fuscht im sack. feigi buggel-mönsche si mer zwider, ha gärn muetgi ehrlechi, und da muesch zue gä, das die meischtens gäge strom schwümme, ihrer eigete meinig nid uswyche. Geits mit em bärndütsch? tschou-tschou !

ja, mariesuisse i gwüsse sache scho. es gaht ja nöd eifach um nume nachetrottle... vili "ström" sind sowieso nöd z'werte als richtig oder falsch, gad in so sache wie mode, musig, usw... ich meine ich gahne min wäg und es chunt oft vor, dass das au das isch, was die andere mached. und dänn gits die mänsche wo extra was anderes mached als die andere, wils dänn meined sie seged was bsundrigs. die sind dänn aber au nöd würklich die wo ihre wäg gönd...

ich schwimme in meinem strom - der geht mal mit mal gegen, ich achte nicht drauf, es soll einfach mein strom sein...

Wegen dem Züri-Fest würde mir ein Beispiel bezüglich „Mit dem Strom schwimmen“ auf mentaler Ebenen bewusst. Ich habe mich aus verschiedenen Gründen entschieden, nicht an das Züri-Fest zu gehen. Doch kurz davor, wurde ich von der Energie-Blase „Züri-Fest? Ich will dabei sein!“ beeinflusst und habe mich entschlossen, am Freitag doch zu gehen. Warum dieser plötzlich Sinneswandel? Der Strom des JA!!! Züri-Fest!!! war einfach sehr stark, was mich ebenfalls beeinflusste, behaupte ich. Es kam dann schlussendlich doch anders, ich war nicht am Züri-Fest. Sowieso war ich über das Wochenende an einem anderen Festival. Von und mit Leuten, die nicht gegen, sondern einen neuen Strom bilden.

@panchosancho, bisch sicher? eifach nache trottle, dänke was anderi dänke, o wenn de seisch, du sigsch wie de sigsch...?

also ich als "gfrörli" bin ja gar nicht wirklich gerne im wasser;) nein, manchmal habe ich das gefühl, gewisse menschen schwimmen gegen den strom nur weil sie anders sein wollen.. ich bin einfach lieber ich selbst, meist ist dies mit dem strom... denn wenn soviele etwas gut finden, dann ist es naheliegend, dass es bei mir auch so ist...

@bolingo, da sind wir schon 2